Go back to search results

Mae Fairfield yn gartref gofal wedi'i adeiladu’n bwrpasol ac fe'i cofrestrwyd yn gyntaf ar 23 Hydref 1992 o dan berchnogaeth breifat Mrs S. Chaudhry. Mae wedi'i leoli ar ei dir ei hun ym mhentref Cymreig bach Johnston, sydd tua phum milltir o drefi Aberdaugleddau a Hwlffordd yn Sir Benfro ac yn agos at draethau lleol a Mynydd Preseli. Mae yno gymuned Gymreig glos iawn ble mae gwerthoedd teulu traddodiadol yn parhau'n gryf. Caiff y gwerthoedd a'r cysylltiadau hyn rhwng teuluoedd a ffrindiau eu hannog a'u gwerthfawrogi yn y cartref. Mae Johnston yn darparu mynediad hawdd at amwynderau lleol a gwasanaethau cymunedol gyda chysylltiadau bysiau a threnau o fewn pellter cerdded. Mae ganddo fynediad i'r A40, sy'n arwain at yr M4. Mae Fairfield yn adeilad un llawr gyda 43 ystafell wely, y gellir defnyddio tair ohonynt fel ystafelloedd dwbl ar gyfer y rhai sy'n dymuno rhannu. Mae gan 41 o'r ystafelloedd gyfleusterau cawod/toiled en suite ac mae pob un yn bodloni gofynion deddfwriaeth o ran maint. Caiff pob ymdrech ei gwneud i ofalu am breswylwyr a'u teuluoedd drwy ddull cyfannol. Mae amgylchedd y cartref yn addas ar gyfer darparu bywyd urddasol a marwolaeth heddychlon ac urddasol. Mae'r cartref yn cynnwys system clychau galw gyda mannau galw yn yr ystafelloedd wely, yr ystafelloedd dydd, yr ystafelloedd ymolchi a’r toiledau.